What's On!!!
Le partage au rendez-vous avec les élèves de l’école du centre. Fondation pour L`Enfance-Terre de paix
Depuis novembre de l'année dernière, L'Union Européenne à travers le Decentralised Corporation Programme et les employés de la Barclays (l'équipe de Monsieur How et de Monia Esther) à travers le roupie for roupie project a permis à l'organisation de mettre sur pied le projet de poultry.
Le partage au rendez-vous avec les élèves de l’école du centre Dans le courant du mois de Juin, quatre groupes d’enfants de l’école du Centre ont eu l’occasion de se familiariser avec les activités des enfants en cours à Terre De Paix. Cette initiative de l’équipe d’animation de l’école du Centre avait ceci d’intéressant qu’elle était très bien planifiée avec la participation de certains parents d’élèves de l’école. Les élèves ont eu l’occasion de s’intégrer à toutes les activités en privilégiant bien évidemment les jeux et la musique. Our organisation was much honoured to have participated in the brainstorming sessions that preceded the setting up of Actogether. This web site www.ACTogether.mu was launched recently as an initiative of Fondation Nouveau Regard.
Rapor direkter pou lane 2009
A. Fonksyonnman institisyonel
1. Laksyon pratik pou fonksyonnman institisyonel
a. Fonksyonnman bann komite
1. Komite lexekitif finn zwenn dan enn fason regilye. An kour de rout, nou finn perdi Paul ki finn retourn dan so pei. Gilbert e Sanjay pa finn kapav partisip dan bann renyon pou bann rezon profesyonel me zot finn touzour donn bann bon konsey kan finn bizen zot.
2. Komite finans finn zwenn pratikman toule 2 semenn sirtou akoz proze DCP.
3. Komite pedagozik finn pran form 3 diferan komite onivo operasyonel pou zer nou trwa tip servis: maternel, ADS e rezidans.
b. Advisory committee
Sa komite la finn zwenn enn fwa sa lane la.
c. Website
Nou sit finn res byen vivan e gras a sa nou finn kapav fer boukou travay e fer noumem koni sirtou andeor Moris. Ena bann stazyer ki finn vinn kot nou atraver nou sit. Li finn byen ede ousi dan kad program CSR.
d. Lezot medya
Nou finn kontinye gayn enn bon kouvertir dan medya, lagazet e radyo televizyon.
B. Lanplwa konpetans/devlopman kapasite
Travay formasyon permanan finn vinn enn laktivite routinn dan terre de Paix asterla. Finn kontinye fer bann formasyon lor size devlopman zanfan ki tous a langaz, lasante, maladi, kreativite. Nou finn mont bann program spesifik lor swen alternatif avek tou nou bann ankadrer e bann ki pe pans pou vinn ankadrer dan nou servis rezidansyel.
Nou finn kontinye benefisye koudme Cyril Dalais alafwa pou formasyon zeneral e pou get bann ka ki neseser.
Sa lane la nou finn siyn konvansyon avek IRTS Larenyon, Liniversite letid sosyal Lausanne an Swiss. Nou pe siyn enn lot konvansyon avek enn liniversite dan La Suede byento.
Anmemtan, nou finn kontinye entervenir dan bann lekol segonder pou donn bann kour a zanfan lor size volontarism ki sponsorize par BAI.
Tousala pou bizen fer nou apros ek nou kobzektif pou vinn enn training centre. Dan sa mem kad la, nou finn moter pou preparasyon enn kour pou bann ankadrer dan MPRB e Safire. Sa kour la pou dirize par Cyril Dalais e pou koumanse byento.
Nou pa finn gayn boukou sans lor size anplway bann konpetans. Finn byen sifisil gayn bann dimounn serye e ki kapav reste. Nou ankor bizen explor bann formil ki donn satisfaksyon. Profesyonalizasyon e extansyon servis pa finn tro posib akoz nou mank bann konpetans. Mem kan ena bidze pou sa. Akoz sa ki nou pe al ver enn sistem kot nou pran bann dimounn ki mwen kalifye profesyonelman e lerla, form zot.
C. Relasyon avek leta
1. Minister drwa lafam e zanfan
a. Minis lafam finn nom mwa pou syez lor mentoring committee. Sa komite la finn met sirpye atraver enn lalwa e li ena kom travay pou met enn servis proximite entervansyon opre bann zanfan ki koumans demontre bann problem konportman dan lakaz. Finn fer enn gro travay ziska ler e proze la pou operasyonel byento.
b. Nou finn kontinye partisip dan bann renyon ki minister lafam finn fer lor size zanfan me pa finn trouv tro boukou rezilta.
c. Nou finn fer aplikasyon pou fon dan enn program. Zot finn aprouv enn som pre Rs2 M ki pou permet nou devop nou CED, met enn youth home e enn famidakey adisyonel e met enn servis outreach pou Atelier du Savoir. Sa bann proze la pe permet nou atenn plis zanfan ankor. Anmemtan, nou pe amelyor kalite servis ki nou pe done.
d. Nou finn akeir ankor 5 nouvo zanfan sa lane la depi CDU Moris.
e. National Women’s Council finn kontinye anvoy nou de dimounn resours dan domenn arts and craft e home economics pou ADS.
2. Minister Sekirite Sosyal
Nou finn kontinye benefisye grant in aid depi sa minister la atraver NGO Trust Fund e finn ousi benefisye mikro proze ki finn permet nou mont enn preo.
3. Minister ledikasyon
a. Sa lane la, nou finn, anplis de nou grant e nou stati lekol, koumans benefisye enn finansman pou enn program alimanter.
b. Pou preskoler, zafan 4 an+ finn kontinye benefisye sibvansyon.
c. Swit a bann presyon depi bann profeser lekol mangalkhan, nou finn desid pou tir proze depi lekol e al fer li dan lakominote. Sa finn fer an konsiltasyon avek fondation Nouveau regard ki finans proze la avek DCP. Sa proze la ankor pe tini e finn mem gayn enn renouvelman pou kontinye li avek lanfaz lor lakominote.
4. Minister later
Nou bann relasyon finn kontinye avek proze ki Club Med pe pans pou fer. Pou sa, finn ena enn demann de nou par pou medine kapav transfer enn teren pre kot Club Med lor nou nom. Sa pou enn proze finanse par Club Med e pou met a nou dispozisyon enn lespas/parkour/ dekouvert pou bann zanfan akot pou expoz zot a enn seri laktivite lanatir pou stimil zot bann sans.
D. Bann servis 1. Proze foster care e youth home
Sa lane la ousi, nou bann proze finn tini byin.
a. Striktir tip I (vedir prizansarz total par Terre De Paix)
1. Finn ena enpe pertirbasyon lakaz tifi akoz nou finn bizen transfer enn tifi avek bann gro difikilte konportman depi kot Georges laba. Sinon lakaz la finn roul byen avek Noor e enn helper.
2. Lakaz Patricia Ramjeet finn tini byen avek bann nouvo admisyon. A lapros so 18 an, Kenny finn enterese pou vinn enn responsab e nou finn ofer li sa posibilite la.
b. Striktir tip II (vedir prizansarz parsyel par Terre De Paix) :
Georges e Angelique finn sey kontinye donn koudme enn tifi me ariv enn moman zot ti’nn nepli kapav.
c. Exit home
Pa finn ena nesesite pou reouver enn striktir koumsa an 2009.
e. Reinifikasyon
Nou finn reinifye 3 zanfan ek zot fami byolozik depi youth home. Nou ti finn koumans fer reinifikasyon enn tifi e sa inn abouti a so reinifikasyon sa lane la.
f. Travay ek fami byolozik
Sa travay la finn kontinye e nou ena serten zanfan ki finn pare pou reinifikasyon ousi.
g. Lanplwa, formasyon, ledikasyon
Nou finn kontinye explor bann posibilite pou bann zanfan 16+ dan bann lantrepriz. Li finn touzour difisil pou dan sekter lotel me finn ena bann debouse dan sekter lenprimri e menizri. Nou ti finn resi plas 5 zanfan. Ladan, 2 finn resi tini.
h. Youth home
1. An zeneral, youth home inn tini byen malgre prezans 2 zanfan byen difisil.
Nou finn akeir ousi enn ka byen difisil depi Probation hostel. Me nou finn resi manz ar li ziska fer so reinifikasyon.
2. Lankadreman
Nou finn gayn enpe difikilte dan premye lamwatye lane pou trouv ranplasan a youth leader. Apre, sa finn pass byen avek rekritman bann nouvo yth leader. Nou finn fer lexperyan enn madam e sa finn donn bann byen bon rezilta. Sa lane la ankor, nou finn benefisye soutyen finansye depi Fondation Medine.
3. Nou pe prepare asterla pou al ouver enn nouvo youth home.
4. Nouvo admisyon
Nou finn pran 4 nouvo admisyon an 2009. Sa bann zanfan la pe fer byen.
2. Atelier du Savoir
Fonksyonnman
1. 67 zanfan finn travers dan nou stritir an 2009.
2. Nou finn travay lor enn guideline pou alfabetizasyon an kreol pou ed bann aprantisaz. Asterla nou dan enn prosesis pou dekrir avek plis presizyon konteni sa guideline la.
3. Nou finn enstor enn sistem group leader dan fonksyonnman lekol. Sa dispozitif la finn pran enpe letan pou donn rezilta me li pe montre so efikasite.
4. ADS ansam ek maternel finn re-organiz zourne lafami sa lane la. Sa ti ankor enn gran sikse e nou finn resi mobiliz bann paran an gran nomb pou vinn dekouver seki zot zanfan pe fer.
5. Minister ledikasyon finn kontinye fer apel a nou pou bann ka difisil konportman. Nou finn akeir enn zanfan 6 an lane pase. Nou finn partisip dan bann case conference lor bann lezot ka ousi.
6. An 2009, nou finn ogmant nou kantite travay avek bann paran. Kantite renyon finn double, finn fer bann vizit lakaz e finn mobiliz bann volonter dan bann landrwa pou donn koudme dan sa travay la.
7. Latelye
Latelye dibwa finn zwe so rol dan expoz dan enn manyer striktire bann zanfan a travay dibwa. Nou finn sey amelyor konteni program la. Latelye finn servi ousi pou tou nou bann travay reparasyon.
3 Pou enn preskoler modern e efikas
Nou finn akse nou travay lor enn preparasyon pou al dan nouvo batiman.
63 zanfan finn pass par nou striktir sa lane la. Savedir ki nou ti nepli kapav akomod plis zanfan isi.
Boukou zefor finn al dan realizasyon proze CED alafwa dan so dimansyon pedagozik e lenfrastriktir.
4. Led alimanter
40 fami finn kontinye benefisye sa ti program la.
E. Lenfrastriktir
Nou finn fer enn preo pou ogmant kapasite e fasilite pou ADS. Tou travay youth home finn fer par bann youth leaders avek koukme latelye.
F. Networking
Rezo avek MPRB e Safire finn gayn enpe difikilte pou vremem dekole sa lane la. Me finn trouv enn manyer pou fer li dekole atraver enn formasyon an komen ki pou large an Me sa lane la.
G Finans e sponsorship
Nou finn met boukou zefor pou rod fon pou CED. Bizen salye zefor partikilye Genevieve e bann mamb komite. Nou finn anfet resi lev fon neseser pou fini konstriksyon la.
Sa proze la finn permet nou realiz a ki pwen bann bon pratik ki nou finn mete dan manyer mobiliz resour ena tou zot valer. Nou finn kontinye sweyn byen tou kontak ki nou finn fer dan lepase. E nou kapav dir ki ena byen tigit dimounn ou konpani ki finn refiz donn nou enn soutyen. Pou sa mo bizen remersye boukou Patricia.
Li avek boukou fyerte ki nou kapav dir zordi ki sa proze al fini gayn so running cost lor 3 an pou seksyon maternel (Rs1.2M par an) depi Fondation Lagesse.
CSR finn vinn ed nou boukou.
Nou finn fer byen dan nou proze kart e nou kart kolek. Malerezman, nou pa finn resi fer nou bann sware akoz letan.
H. Proze lor nouvo terin
Apart proze CED, nou finn ousi rou enn proze pondez. Apre enn an, nou pe fer so evalyasyon aktyelman. Angro, nou kapav dir ki sa proze la finn donn bann bon rezilta. Nou finn aprann boukou e nou finn kapav konpran pli byen realite dimounn ki dan difikilte. Nou finn gayn soutyen AREU pou sa proze la.
Sa proze la finn permet nou gayn soutyen ek MCB pou enn lot proze lelvaz kanar ki pou demare sa lane la.
I.Konklizyon
Toulelane nou pe progrese mem. Me sa progre la pe fer dan zefor, dan disiplinn, dan riger, dan langazman personel sak dimounn ki koste ek Terre de Paix swa kouma benevol swa kouma anplwaye. Avek ouvertir CED, enn kou tou dimounn pou trouv plas ki nou pe okipe lor plan servis a devlopman zanfan dan enn manyer koeran e entegral. Akoz samem nou ti pe koz proze modern, proze model. Ena ankor pli bel responsabilite pe tom lor nou zepol. Pou nou kapav sarye sa byen, sakenn dant nou pou bizen fer zefor byen konpran kot nou pe ale. Mo swete ki nou redouble zefor pou kontinye donn bann bon rezilta dan sa konba nou pe amene la anfaver bann zanfan ki pli bizen soutyen.
Alain Muneean
25.04.10
Ce project vise à rendre l'organisation et 20 familles les plus démunies de la region d’Albion (qui ont des enfants à leur charge) de devenir autonome en terme d'œufs (source de protéine). Les 20 familles quand à elles, ont recu des cages pouvant accomoder 5 pondeuses. Nous croyons fermement que ce projet va permettre à ces familles d'acquérir d'autres compétences telles que: l'administration d'un petit projet, gestion d'un budget. Ce sera aussi un moyen pour la famille de resserer les liens et de permettre les enfants d'être partie prenante dans ce type de projet. A partir de cette petite experience, elles pourrons aussi bien imaginer d'autres projets qui leur permetteront de rehausser leur niveau de vie.
Nous tenons ici à remercier l'Union Européenne, l'équipe de monsieur How et de Monia Esther de la Barclays, nos amis suisses - Jean et Willy pour leur aide pour tout ce qui concerne la plomberie et les installations électriques, le mouvement auto suffisance alimentaire et l'areu.
Cette expérience a permis, à n’en point douter, un partage mutuel entre nos deux groupes d’enfants, même au niveau du repas. Une expérience riche à être renouvelée. 
During the launching ceremony, as a case study, the Fondation pour L’Enfance Terre De Paix was given the opportunity to explain the ways its communication strategy and its action in general had indeed helped the organisation in its endeavour to harness even more support.